SRI PARAMANANTHAM ASTRO

 அனைவருக்கும் நந்தன வருட நல்வாழ்த்துக்கள்

எந்த நோய்க்கு எந்த கிரக வழிபாடு அவசியம் ?

ஜோதிட சாஸ்திர விதிப்படி , மனிதனாக பிறந்த ஒரு சாதகனின் பூர்வ ஜென்ம கர்மாக்களை தரம் பிரித்து , பலா பலன்களை தெளிவாக தருவது - நவ கிரகங்களே. ஒன்பது கிரகங்களும் , அதற்கேற்ப பன்னிரண்டு வீடுகளில் அமர்ந்து , இந்த நேரத்தில் , இந்த பலன்கள் என்று தெளிவாக கிடைக்க வைக்கின்றன.

என்னுடைய அனுபவத்திலும், ஆராய்ச்சியிலும் - கிடைத்த ஜாதகங்களை ஒப்பிட்டுப் பார்க்கும்போது , பெரும்பாலான நடந்து முடிந்த அசம்பாவிதங்களுக்கு - நவ கிரகங்களின் பங்களிப்பு பெரும்பாலும் ஒத்துப் போவதை உணர முடிந்தது. அதை வைத்து எனக்கு கிடைத்த சிறு ஞானத்தால் , வர விருக்கும் இன்னல்களை முடிந்த அளவுக்கு , தகுதி உள்ள அன்பர்களுக்கு பக்குவமாக எடுத்துக் கூறி - ஓரளவுக்கு தவிர்த்தும் இருக்கிறேன். அதற்க்கு அந்த ஜாதகரின் கிரக ஒத்துழைப்பும் இருத்தல் அவசியம். அவர்களுக்கு தெய்வ நம்பிக்கையும், செய்யும் பரிகாரத்தை முழு நம்பிக்கையுடன் , முழு மனதோடு செய்வதும் முக்கியம். 
  
கோடிகளில் பணம் கொட்டிக் கிடந்தாலும், நோய் என்று ஒன்று வந்தால் , அதுவும் எளிதில் தீராத வியாதி என்றால் முடிந்தது கதை. விரக்தியின் உச்சத்துக்கே சென்று விடுவர். செய்த கருமங்கள் இப்போவாவது கழிந்தனவே என்று நினைத்து அடுத்து அதை சரி செய்ய என்ன செய்ய வேண்டுமோ, அதை செய்ய வேண்டும்.

ஏராளமான நிஜ சம்பவங்கள், நம் வாசகர்கள் அனைவருக்கும் பெரிய படிப்பினையாக இருக்கும். அதைப் கொஞ்சம் கொஞ்சமாக பின்வரும் கட்டுரைகளில் காணலாம்.

இன்று நாம் பார்க்க விருப்பது , இன்றைய நடைமுறை ஜோதிடர்கள் - பொதுவாக விதிப்படி காணும் விஷயங்கள். நமக்கும் தெரிந்து கொள்ள வேண்டிய விஷயங்கள். ஆனால், ஒரே ஒரு விஷயம் நன்றாக உணர்ந்து கொள்ளுங்கள். ஜோதிட விதிகள் உங்களுக்கு தெரிந்து கொள்ள மட்டுமே. ஆனால், இறை வழிபாடும், குருவருளும் இருந்தால் , ஒரு ஜாதகத்தை பார்க்கும் போதே உங்களுக்கு விதிகளையும் தாண்டி , ஒரு சில பலன்கள் உங்கள் காதுகளில் யாரோ ஒருவர் ஓதுவதுபோல ஒலிக்கும். அவற்றில் பெரும்பாலானவை விதிகளுக்கு முரண்பட்டு இருந்தாலும் , முற்றிலும் உண்மையாகவும் இருக்கும். அந்த ஜாதகர் நீங்கள் கூறம் ஒரு குறிப்பிட்ட பலனைக் கேட்டு , அப்படியே ஆடிப்போய் விடுவர். அதற்க்கு அந்த ஜோதிடர் , முறையான பயிற்சி மேற்கொண்டு , இறை வழிபாடு செய்தலும் அவசியம். 



ஒருவரது ஜாதகத்தில் லக்னத்திற்கு ஆறாமிடம் ரோக ஸ்தானம் எனப்படும். இந்த ஆறாமிடம் மூலம் குறிப்பிட்ட ஜாதகர் எத்தகைய நோய்களுக்கு ஆட்படுவார் என்பதை அறியலாம். ஆறாமிடத்தில் அமர்ந்துள்ள கிரகங்கள் மூலமும், ஆறாமிடத்தை பார்வை செய்யும் கிரகங்கள் மூலமும், அந்த ஜாதகர் எத்தகைய நோய்களுக்கு ஆட்படுவார் என்பதையும் அறிய இயலும். இந்த நோய்களின் தாக்குதல் எப்போது பலமாக தன் இயல்பைக் காட்டும், எந்த காலக் கட்டங்களில் கட்டுப்பாட்டில் இருக்கும் என்பதையும் அறியலாம்.

சூரியன்: மலச்சிக்கல், அஜீரணம், தூக்கமின்மை, கண் நோய்கள், ரத்த அழுத்தம், இதய நோய், ஆஸ்துமா, வயிற்றில் பூச்சிகள் போன்ற நோய் களையும் ஜுரம் போன்றவை.

சந்திரன்: மனநோய்கள், உணர்ச்சி வசப்படுதல், அதிவேக இதயத் துடிப்பு, ரத்த அழுத்தம், காச நோய், ரத்த சோகை, சளி, கபம், பாலியல் நோய்கள் இரைப்பைப் புண், நீரிழிவு, குடல் புண் போன்றவை.

செவ்வாய்: மூலநோய், நீரிழிவு, இரைப்பை மற்றும் குடல் நோய்கள், மன அழுத்தம், தோல் வியாதிகள், இதய நோய், நரம்புத் தளர்ச்சி, அம்மை, விபத்து மற்றும் ஆயுதங்களால் பாதிப்புகள்.

புதன்: இதய நோய்கள், ரத்த அழுத்தம், வயிற்றுப்புண், புற்றுநோய், தோல் நோய்கள், நரம்பு தளர்ச்சி, இரைப்பை புண் போன்றவை.

குரு: தொண்டை சம்பந்தமான நோய்கள், தைராய்டு, அம்மை, முடக்கு வாதம், காமாலை, நரம்பு சம்பந்தப்பட்ட வியாதிகள், பக்க வாதம், கீழ் வாதம், நீரிழிவு போன்றவை.

சுக்கிரன்: கண், காது, மூக்கு நோய்கள். நுரையீரல் நோய், இருமல், குடல்புண், இருதய நோய், ரத்த அழுத்தம், பாலியல் தொடர்பு வியாதிகள் போன்றவை.

சனி: மனநோய், கை கால் வலிப்பு, மூளை பாதிப்பு, தோல் நோய், நீண்ட கால வியாதிகள், சிறுநீரக நோய், பித்தம், குடல் நோய், விபத்தால் பாதிப்பு போன்றவை.

ராகு: அதிக அமிலம் சுரத்தல், வயிறு கோளாறுகள், அஜீரணம், தூக்கமின்மை, மூளை நோய், குடல் புண், தோல் வியாதிகள் போன்றவை

கேது: புற்றுநோய், வாதம், தோல் நோய்கள், காலரா, நரம்புத் தளர்ச்சி, சிறுநீரகக் கோளாறு போன்றவை.

நோய்களும் அவற்றை குணப்படுத்தும் நவரத்தின கற்களும்:

மேஷ லக்னத்தில் பிறந்தவர்கள் ரோகாதிபதியான புதனுக்குரிய மரகதத் துடன், நோய் தந்த கிரகத்திற்குரிய ரத்தினத்தையும் இணைத்து, இடது கை மோதிர விரலில் அணிய நோய் கட்டுக்குள் வரும்.

ரிஷப லக்னத்தில் பிறந்தவர்கள் ரோகாதிபதியான சுக்கிரனுக்குரிய வைரத்துடன் நோய் தந்த கிரகத்திற்குரிய ரத்தினத்தையும் இணைத்து இடது கை மோதிர விரலில் அணிய, நோய் கட்டுக்குள் வரும்.

மிதுன லக்னத்தில் பிறந்தவர்கள் ரோகாதிபதியான செவ்வாய்க்குரிய ஜாதி சிகப்பு பவளத்துடன் நோய் தந்த கிரகத்திற்குரிய ரத்தினத்தையும் இணைத்து, இடது கை மோதிர விரலில் அணிய, நோய் கட்டுக்குள் வரும்.

கடக லக்னத்தில் பிறந்தவர்கள் ரோகாதிபதியான குருவிற்குரிய கனக புஷப ராகத்தை நோய் தந்த கிரகத்திற்குரிய ரத்தினத்தையும் இணைத்து, இடது கை மோதிர விரலில் அணிய, நோய் கட்டுக்குள் வரும்.

சிம்ம லக்னத்தில் பிறந்தவர்கள் ரோகாதிபதியான சனிக்குரிய நீலத்தை, நோய் தந்த கிரகத்திற்கு உரிய ரத்தினத்தையும் இணைத்து, இடது கை மோதிர விரலில் அணிய நோய் கட்டுக்குள்; வரும்.

கன்னி லக்னத்தில் பிறந்தவர்கள் ரோகாதிபதியான சனிக்குரிய நீலத்தை, நோய் தந்த கிரகத்திற்குரிய ரத்தினத்துடன் இணைத்து, இடது கை மோதிர விரலில் அணிய நோய் கட்டுக்குள் வரும்.

துலாம் லக்னத்தில் பிறந்தவர்கள் ரோகாதிபதியான குருவுக்கு உரிய கனக புஷபராகத்தை நோய் தந்த கிரகத்திற்கு உரிய ரத்தினத்துடன் இணைத்து, இடது கை மோதிர விரலில் அணிய நோய் கட்டுக்குள் வரும்.

விருச்சிக லக்னத்தில் பிறந்தவர்கள் ரோகாதிபதியான செவ்வாய்க்குரிய சிகப்பு பவளத்தை நோய் தந்த கிரகத்திற்கு உரிய ரத்தினத்துடன் இணைத்து, இடது கை மோதிர விரலில் அணிய நோய் கட்டுக்குள் வரும்.

தனுசு லக்னத்தில் பிறந்தவர்கள் ரோகாதிபதியான சுக்கிரனுக்குரிய வைரத்தை, நோய் தந்த கிரகத்திற்குரிய ரத்தினத்துடன்; இணைத்து, இடது கை மோதிர விரலில் அணிய நோய் கட்டுக்குள் வரும்.

மகர லக்னத்தில் பிறந்தவர்கள் ரோகாதிபதியான புதனுக்குரிய மரக தத்தை நோய் தந்த கிரகத்திற்கு உரிய ரத்தினத்துடன் இணைத்து, இடது கை மோதிர விரலில் அணிய நோய் கட்டுக்குள் வரும்.

கும்ப லக்னத்தில் பிறந்தவர்கள் ரோகாதிபதியான சந்திரனுக்குரிய ஜாதி முத்தினை, நோய் தந்த கிரகத்திற்கு உரிய ரத்தினத்துடன் இணைத்து, இடது கை மோதிர விரலில் அணிய நோய் கட்டுக்குள் வரும்.

மீன லக்னத்தில் பிறந்தவர்கள் ரோகாதிபதியான சூரியனுக்குரிய மாணிக்கத்தை, நோய் தந்த கிரகத்திற்குரிய ரத்தினத்துடன் இணைத்து, இடது கை மோதிர விரலில் அணிய நோய் கட்டுக்குள் வரும்.